Searvelanja ja fuolkevuođa metodat mánáidgárdepráksisis
Sámi mánáidgárddit leat guhkit áigge geavahan searvelanja ja fuolkevuođa oahpahusas.
Lea dehálaš heivehit giellabargguid máná gullevaš duovdagiidda, sihke eanan- ja mearraguovlluide, ja fátmmastit giellabargguide sihke vuorrasit ja nuorat resurssaolbmuid geat eai gula mánáidgárdái, nannendihte sámi mánáid identitehta.
Arenat gos čáđaha giellabargguid olggobeale mánáidgárddi sáhttet leat ovdamearka dihte vuovddit, duoddarat, meahcit, jávregáttit, johkagáttit ja mearraguovllut gos sámit leat árbevirolaččat johttán, eallán ja bargan. Ovdamearkat bargguide leat earet eará murren, duodjeávdnasiid háhkan, murjen, biebmoávdnasiid háhkan, guolásteapmi, gárddástallan, njuovvan, rátká, oapmebargu ja nuohttun. Sámi árbevirolaš bargguid sáhttá čatnat oktii rámmaplánaii ja fáttáide maiguin barga mánáidgárddis.
Laiti, Marikaisa: Searvelatnja - A Communality Principle in Sami Early Childhood Education (SECE).
Nutti, Laila Aleksandersen & Eriksen, Anne Ingebjørg S. 2021: Den samiske barnehagens samfunnsoppdrag. Barnehagefolk https://www.barnehagefolk.no/bf2021_4_artikkel3.asp
Sara, Mikkel Nils 2003: Tradisjonell samisk kunnskap i grunnskolen. I boka: Hirvonen, Vuokko 2003: Samisk skole i plan og praksis: hvordan møte utfordingene i L97S? : evaluering av Reform 97. Čálliid Lágádus.
Todal, Jon (2007): Samisk språk i Svahken sijte, Diedut nr.1/2027, kap. 5 Aktivitetar i barnehage og skule