Lohkanrieggát ja girjeságastallamat
Girjjit leat buorit veahkkeneavvut máná giellaovdáneamis, go girjjiin mánát ohppet ođđa sániid ja de ožžot sániid earet eará vásáhusaide ja dovdduide. Okta dain deháleamos giellaoahppanarenain lea ságastallan, ja danin lea hui dehálaš ságastallat ohppiiguin. Maŋŋelgo oahppit leat lohkan girjji, de heive ságastallat girjji osiid dahje fáttáid birra. Dat sáhttet leat girjeoasit mat leat čuohcan oahppi dovdduide, sáhttet leat oasit mat ledje earenomáš suohttasat dahje issorasat, dahje sáhttet leat oasit girjjis maid oahppi ii leat fáhten dahje ipmirdan.
Ságastallamiid bokte sáhttet oahppit ovdanbuktit iežaset vásáhusaid ja jurdagiid mat čuožžiledje logadettiin. Sáhttá leat hui movttidáhttii go beassá iežas fuomášumiid ovdanbuktit, ja sáhttá movttidahttit lohkat eará girjjiid go beassá gullat maid skuvlaoappát ja -vielljat muitalit daid girjjiid birra maid sii leat lohkan. Nu sáhttet girjeságástallamat motiveret ohppiid lohkat eará girjjiid maiddái.
Dá leat moadde fáttá maid birra sáhttá ságastallat lohkanrieggás dahje girjeságastallamis:
- Mii lei somá?
- Humadit govaid birra
- Maid muittát buoremusat girjjis?
- Makkár lei girjji váldoolmmoš?
- Ledjego eará olbmot, eallit dahje sivdnádusat girjjis?
- Suokkardallat girjji dáhpáhusaid birra. Omd. nabai jus ii livččii nie dáhpáhuvvan, movt de livččii girjji loahppa?
- Váttis sánit ja daid mearkkášupmi
Govva: AI-genererejuvvon