Lea dehálaš ásahit ja ovdánahttit giellaplána vai dii oažžubehtet oktasaš ipmárdusa giellabarggus ja oktasaš vai dáhkabehtet oktasaš mearrádusaid dan bargui mii galgá dahkkot din skuvllas.
Ságastallamat maid lehpet čađahan ja mearrádusaid mat lehpet dáhkan go lehpet bargan 1 – 8 gealbopáhkain, sáhttibehtet bidjat skuvlla giellaplánii. Daid sáhttá viidáseappot čielggadit go joatkibehtet giellaplána bargguin.
Giellaplána bargu lea strategalaš bargu.
Gealbopáhka rávve movt sáhttá bargat giellaplána ráhkademiin, ja dan vuosttáš sešuvnnas lea filbma mii:
- čilge mii giellaplána lea.
- čilge manin lea dehálaš suokkardallat giellaplána mihtuid ja bargovugiid.
- čájeha maid giellaplána sáhttá sisttisdoallat, mii lea ulbmil giellaplánain ja gii galgá dahje geat galget ráhkadit dan.
- bidjá fuomášumi guovddáš gažaldagaide mat gusket giellaplánii.
- čalmmustahtte man dehálaš lea ahte olles skuvla searvá giellaplána plánenbargui.
- muitala gos sáhttá gávdnat mála giellaplánii, ja gos sáhttá oažžut veahki dán bargui.
Dán páhkas gávnnat dokumeantta mas leat gažaldagat mat leat hui ávkkálaččat go galgá bargat skuvlla giellaplánain.