Nanne máná sámi identitehta
Mánáin lea riekti iežaset giela oahppat ja geavahit. Dát boahtá ovdán sihke nationála ja internationála konvenšuvnnain, nu go ON mánáidkonvenšuvnnas ja ILO konvenšuvnnas. Gievrras giellamodeallat addet mánáide rievtti vásihit sámegiela ja sámi kultuvrra árgabeaivvis, ja ii fal dušše symbolalaččat ja dalle go heive. Go mánát ohppet sámástit, de dát sáhttá nannet sin identitehta ja gullevašvuođadovddu sámi servvodahkii.
Sámi mánáin lea riekti oahppat iežaset giela, nu movt dárogielat mánáin lea riekti oahppat dárogiela. Sámi mánát galggaše beassat bajásšaddat birrasis gos sámegiella lea oidnosis, geavahuvvo ja árvvusadno, vai lea vejolaš sihkkarastet sin rivttiid iežaset gillii, kultuvrii ja identitehtii. Lea čájehuvvon ahte go sámegielat mánát ožžot oahpahusa sámegillii, de sii ohppet eanet, loktet buorebut ja ovdánit buorebut psykososiálalaččat. Nu sáhttá dulkot ahte gievrras giellamodeallaid bokte sámi mánáin lea buoret vejolašvuohta lihkostuvvat skuvlavázzimiin.
Dás sáhtát eanet lohkat sámi mánáidgárdemánáid rivttiid birra Giellabálgát.