Giellaplánen bearrašis

Lea dárbbašlaš ahte bearáš ságastallá makkár sadji sámegielas galgá leat bearrašis. Dat ii leat dušše ásahus guhte dárbbaša plána. Buohkat máná birrasis dárbbašit plána, ja dát ii dárbbaš leat nu moalkái.  

Evttohus doibmii: 
Sáhttibehtet váhnenčoahkkimis ságastallat gažaldagaid vuođul mat leat dás vuollelis. Váhnemat juohkásit joavkkuide, nu ahte ovtta máná váhnemat leat seamma joavkkus. Váhnen guovttos ráhkadit plakáhta mas leat gažaldagat ja daidda vástádusat. Plakáhta sáhttet dasto heŋget ruoktot, muittuhussan dasa maid vánhen guovttos leaba soahpan. 

• Makkár lea din gielladillii? 
• Makkár gielladili háliidat? 
• Leago dis oktasaš ipmárdus das/gielladilis? 
• Makkár giela dahje gielaid galggaše mánát oahppat? 
• Leatgo mihtut ja metodat balánssas? 
• Makkár vuordámušat leat mánáidgárdái ja skuvlii giela ektui? 
• Maid dárbbašehpet iežadet lagamusain ja olggobealolbmuin? 
• Gos oažžubehtet/sáhttá oažžut rávvagiid ja doarjaga?  
   

Gáldu:  
Gažaldagat leat vižžon ovtta ovdanbuktimis maid Annika Pasanen doalai bagadallanortnega oktavuođas, 2023-24