Miehta máilmmi leat lihkostuvvan oažžut minoritehtamánáid šaddat guovttegielagiin. Dán leat olahan earet eará go huksejit ovttagielat birrasiid gos obba áigge geavahit minoritehta giela.
Lea hui dehálaš ahte mánná beassá vásihit giela dan mađe ahte son beassá vurket eanet sániid iežas sátnevuorkái ja nu šaddat sátnerikkis. Go mánná vásiha giela de son maiddai oahppa dekodet giela struktuvrra. Dat gáibida ahte mánná beassá gullat ja geavahit giela konkrehta oktavuođain, oahppat normála cealkkastruktuvrra, grammatihka ja sojahanminstariid. Mii fertet dahkat ahte lea dárbbašaláš ja ávkkálaš sámástit – vai mánát geain lea reseptiiva giellaipmárdus šaddet produktiiva giellageavaheaddjin.
Go nanne minoritehtagiela stáhtusa, nu ahte minoritehtagiella dán ovtta giellabirrasis beassá leahkit dat áidna geavahuvvon giella, de ráhkada birrasa mii ovddida produktiiva giellageavaheami. Minoritehtagiella šaddá dehálaš.
Produktiiva giellahálddašeapmi (språkbeherskelse) = go sihke ipmirda ja hupmá giela
Reseptiiva giellamáhttu/ipmárdus = go ipmirda giela, muhto ii huma dan
Govva: Árvu