Gealbopáhkaid ulbmil

Gievrras giellaoahpahusmodeallaid/giellamodeallaid bajimus ulbmil lea nannet sámegielat mánáid produktiiva sámegielatvuođa.  

Gealbopáhkaid ulbmil lea ahte dii:

• oažžubehtet ipmárdusa gievrras giellamodeallain, manin mii daid dárbbašit ja movt daid implementeret mánáidgárdái.
• oažžubehtet gelbbolašvuođa das movt mánáidgárddis dahje skuvllas kártet bargiid ja mánáid/ohppiid giellabirrasiid ja giellageavaheami.
• oažžubehtet ipmárdusa das mii ovddida sámegielat giellaovdáneami.
• álggahehpet barggu giellaplánemiin.  

Go bargabehtet gealbopáhkaiguin, de galgabehtet čielggadit leago vejolaš dál sisafievrridit gievrras giellamodeallaid iežadet mánáidgárdái dahje skuvlii, vai leago vuos dárbu siskkáldasat eanet bargat gelbbolašvuođa loktemiin ja kapasitehta huksemiin.