<  FORRIGE Gievrras giellaoahpahusmodeallat skuvllas

Álggahančoahkkin

Ørjan Marakatt Bertelsen Dihtor čállit
Govva: Ørjan Marakatt Bertelsen

Gievrras giellamodeallaid digitála páhkat veahkehit ásahusa bargiid gelbbolašvuođaovdánahttimis ja mielddisbuktet organisatuvrralaš rievdadusaid. Danne lea dehálaš ahte buot ásahusa bargit ipmirdit mat gievrras giellamodeallat leat, manne daid lea dehálaš implementeret ja ahte bargiin lea mielmearrideapmi ovdánahttinbarggus.

Mii ávžžuhit din lágidit oktasaš álggahančoahkkima buot skuvlla bargiide. Sáhttá leat skuvlla oktasašáigge dahje plánenbeaivve. Álggahančoahkkima ulbmil lea boktit beroštumi ja movttiidahttit bargiid searvat ovdánahttinbargui. Dán sáhttá sihkkarastit jus fátmmasta buohkaid ovdánahttinbargui nu árrat go vejolaš.

Álggahančoahkkimis galgabehtet: 

  • Muitalit gievrras giellamodeallaid birra.
  • Guorahallat sámegielaid dili iežadet skuvllas.
  • Árvvoštallat maid din skuvla dárbbaša ovdánahttit gievrras giellamodeallabarggu oktavuođas.
  • Presenteret iežadet gievrras giellamodealla-stivrenjoavkku/-prošeaktajoavkku.

 

<  FORRIGE Gievrras giellaoahpahusmodeallat skuvllas