Suokkardallan gažaldagat maŋŋel filmma: Guottut sámegielaid ektui skuvllas

Válljebehtet dan suokkardallangažaldaga mii buoremusat heive didjiide ja ságastallabehtet dan vuođul. 

• Makkár giellaovdagovvan háliidat leat, ja leatgo dakkár giellaovdagovvan dál?
• Movt don jáhkát giellaoahppan ja láhtten váikkuheaba nubbi nubbái?  
• Lea hui dehálaš ahte oahppit besset máŋggain vugiin sihke vásihit ja deaivvadit gielain. Namut ovdamearkkaid mat addet giellavásáhusaid ja gielladeaivvademiid.  
• Lea dehálaš ahte mihttomearit ja bargovuogit leat sajáiduvvan giellaplánii. Maid berrešii giellaplánii čállit guottuid birra?  
• Vai galgá oažžut doaibmi guovttegielat ohppiid, de ferte ásahit sámegielat ovttagielat birrasa skuvlii. Geahččal hábmet cealkaga/dajaldaga mii lokte ja nanne buriid guottuid.  
• Din skuvlii boahtá sadjásašbargi guhte ii leat hárjehan bargat skuvllas. Maid sáhtát don dadjat sutnje, vai son dihtomielalaččat sámásta ohppiiguin, váikke oahppit vigget ságastallama jorahit dárogillii?
• Movt čalmmustahttojuvvo sámegiella din skuvllas, ja leago vejolaš čalmmustahttit sámegiela vel eambbo? Buvtte evttohusaid.  

Bargu: Lasihehpet daid buriid dajaldagaid maid ovttas hábmebehtet dán barggu oktavuođas, ja lasihehpet daid iežadet giellaplánii. Loga eanet giellaplána birra 9 gealbopáhkas.