Girjerájus ja motivašuvdna lohkat
Jus olmmoš galgá juoidá gillet bargat, de dát gáibida motivašuvnna, dahje movtta bargat dán dihto doaimma. Nu movt lohkamis, de gáibiduvvo motivašuvdna ovdal mii duođai gillet lohkagoahtit. Olbmuin lea sihke siskkáldas ja olgguldas motivašuvdna. Siskkáldas motivašuvdna lea min siste, ja dat boahtá das go mis lea hállu juoidá čađahit dahje olahit. Ovdamearkka dihte jus soames oahppi ieš fuobmá ahte son háliida lohkat girjji, dan dihte go dat lea su jiellat spábbačiekči birra ja son háliida eanet oahppat su birra. Siskkáldas motivašuvnna mii eat sáhte njuolgut váikkuhit, dat ferte iešalddis boahtit, muhto olgguldas motivašuvnna mii sáhttit váikkuhit.
Movt váikkuhit olgguldas motivašuvnna?
Olgguldas motivašuvdna lea go oahppis ii soaitte motivašuvdna čađahit doaimma čađahandihte, muhto go sus lea motivašuvdna olahit juoidá eará mii gáibida ahte čađaha dán doaimma. Ovdamearkka dihte jus oahpaheaddji lea lohpidan čájehit Narnia-filmma, muhto de fertejit vuos buot oahppit ovttas lohkan Narnia-girjji. Sáhttá maid bidjat ohppiid gávdnat dieđuid ovdamearkka dihte divrriid birra mat gávdnojit lagasbirrasis, ja dasto vuolgit ohcat daid divrriid. De šaddá motivašuvdna lohkat, go de besset vuolgit tuvrii. Dáinna lágiin sáhttá oahpaheaddji fillet ohppiid lohkat, ja nu maid soaitá muhtin ohppiin ilbmat siskkáldas motivašuvdna lohkat.
Evttohusat doaimmaide
Dá leat moadde ovdamearkka ja evttohusa doaimmaide mat sáhttet váikkuhit ohppiid olgguldas lohkanmotivašuvdnii.
Lohkanbingo
Daga doaimma mii lea čállojuvvon. Go leat čađahan doaimma, de beasat russet ruvtto. Mihttu lea russet nu máŋga ruvtto go vejolaš. Gávnnat gárvves lohkanbingomála dás: Gárvves lohkanbingo ja guoros lohkanbingo mála | Lohkanguovddas
Bálká
Ovdamearka dihte čájehit filmma mii lea ráhkaduvvon girjji birra, dahje vuolgit tuvrii maŋŋel.
Mihttu ja ulbmil
Go galgabehtet ovdamearkka dihte vuolgit mátkái, de sáhttá ovdagihtii bivdit ohppiid lohkat fáttáid birra mat leat áigeguovdilat mátkái. Dego, jus lehpet vuolgimin guolástit, de sáhttá lohkat daid guollešlájaid birra mat gávdnojit dan guovllus, makkár vuokkain lea buorre doppe oaggut ja gos jávrris guollešlájat liikojit leat. Dahje sáhttá lohkat fearániid birra mat leat čadnon dan guvlui.
Geahča áinnas webinára motivašuvnna birra maid Nasjonalt lesesenter lea ráhkadan: https://www.uis.no/nb/nasjonalt-lesesenter/forskning/webinar-nar-eleven-strever-med-motivasjon
Govva: Árvu