Manin váldit gievrras giellaoahpahusmodeallaid atnui skuvllas?

Image

1. Buot sámi ohppiin lea vuoigatvuohta oažžut oahpahusa sámegielas. Dat boahtá ovdan oahpahuslágas. Jođiheaddjin/eaiggádin sáhtát lohkat eambbo dan birra maid dat sisttisdoallá dáin páhkain: Oahpahusláhka  ja Sámi mánáidgárdemánáid vuoigatvuođat.   
    
2. Gievrras giellaoahpahusmodeallaiguin oažžu struktuvrralaš ja ulbmillaš lahkoneami giellaoahpahussii, čielga ulbmiliid, metodaid, jotkkolašvuođa ja jeavddalaš árvvoštallamiid giellafálaldagain ja bohtosiin. Dát addá du bargiide reaidduid maid dárbbašit vai lihkostuvvet buriin giellaoahpahusain, ja mii sihkkarastá giellaoahpahusa kvalitehta. Mii ávžžuhit lohkat eambbo gievrras giellamodeallaid áigumušaid birra  páhkas 1 skuvla dahje mánáidgárdi. 

Illustrašuvdna: Gunnlaug Ballovarre