Gievrras giellaoahpahussmodeallaid gealbopáhkat
Jus ehpet leat ovdal bargan gievrras giellamodeallaiguin, de mii ávžžuhit din álgit 1. páhkain ja bargat ovddosguvlui 9. páhkkii.
Buot páhkaid sisdoalu sáhttet sihke mánáidgárddit ja skuvllat geavahit, danne go ollu lea oaivvilduvvon mánáidgárddi siskkáldas doibmii ja mánáidgárddi giellabirrasa ovdánahttimii.
- Mat leat gievrras giellamodeallat?
- Vuosttaš kárten ja giellamihttu
- Bearraša rolla
- Guottut sámegielaid ektui
- Ovttagielat arenaid lágideapmi
- Nannenmodealla
- Oamastanmodealla
- Ságastallanstrategiija
- Ásahusa giellaplána
Gievrras giellamodeallaid gealbopáhkaid ortnet
1.-9. páhkkii leat gievrras giellamodeallain digitálalaš gealbolokten. Dáiguin páhkaiguin barggadettiin galgabehtet iskat ja kártet mánáidgárddi gielladili ja movt sáhttibehtet implementeret gievrras giellamodeallaid mánáidgárddi bargui.
Jus suokkardaladettiin fuomásehpet ahte dárbbašehpet eambbo láidehusa dahje veahki álggahit gievrras giellamodeallabarggu, de lea vejolaš váldit oktavuođa Sámi lohkanguovddážiin. Mii fállat didjiide digitála ja báikevuđot láidehusa din dárbbuid vuođul.
Suokkardallan:
- Maid mii dárbbašit jus galgat bargagoahtit gievrras giellamodeallaiguin?
- Dárbbašit go mii lasi láidehusa?