Giellačuovvoleapmi skuvllas

Vaikko oahppit leat sámegielagat de leat sii iešguđetge dásis gielalaččat. Skuvllas ferte heivehit giellageavaheami ja giellačuovvoleami ovttaskas oahppái, jus ulbmil lea ahte oahppi galgá šaddat produktiivvalaš sámegielagin. Skuvllas sáhttá vuos áicat ohppiid giela, dasto kártemiid bokte oaidnit leago oahppis dárbu čuovvoleapmai, ja de bidjá johtui gielladoaimmaid kártemiid vuođul.

Gielladoaimmat skuvllas leat buorit sihke ovttaskas oahppái ja olles ohppiidjovkui. Dát doaimmat ovddidit olles ohppiidjoavkku giela, ja danin sáhttá vaikko olles luohkáin čađahit giellačuovvolanbargguid mat gullet ovttaskas oahppái. Ovdamearka dakkár doibmii lea hárjehallat gielalaš diđolašvuođa breahttaspealuiguin, dego Alias-spealuin, Riibmalotto-spealuin, ja bargat sátnevuorkkáin, lávlut ja eará pedagogalaš doaimmaiguin.

Kártenreaiddut 6-16 jahkásaččaid giella ja 20 gážaldaga leat giellakártenreaiddut maid sáhttá atnit. Daid birra gávnnat eanet dieđuid Statped ja SEAD neahttasiidduin. 

Árvvoštallet makkár gielladiđolašbarggut leat din skuvllas, ja movt dát leat doaibman.