Suokkardallan gažaldagat maŋŋel filmma: Guottut sámegielaid ektui mánáidgárddis

Válljebehtet dan suokkardallangažaldaga mii buoremusat heive didjiide ja ságastallabehtet dan vuođul.

1. Makkár giellaovdagovvan háliidat leat, ja leatgo dakkár giellaovdagovvan dál?
2. Movt don jáhkát giellaoahppan ja láhtten váikkuheaba nubbi nubbái? 
3. Lea hui dehálaš ahte mánát besset máŋggain vugiin sihke vásihit ja deaivvadit gielain. Namut ovdamearkkaid mat addet giellavásáhusaid ja gielladeaivvademiid. 
4. Lea dehálaš ahte mihttomearit ja bargovuogit leat sajáiduvvan giellaplánii. Maid berrešii giellaplánii čállit guottuid birra? 
5. Vai galgá oažžut doaibmi guovttegielat mánáid, de ferte ásahit sámegielat ovttagielat birrasa mánáidgárdái. Geahččal hábmet cealkaga/dajaldaga mii lokte ja nanne buriid guottuid. 
6. Din mánáidgárdái boahtá sadjásašbargi guhte ii leat hárjehan bargat mánáidgárddis. Maid sáhtát don dadjat sutnje, vai son dihtomielalaččat sámásta mánáiguin, váikke mánát vigget ságastallama jorahit dárogillii?
7. Movt čalmmustahttojuvvo sámegiella din mánáidgárddis, ja leago vejolaš čalmmustahttit sámegiela vel eambbo? Buvtte evttohusaid. 

Bargu: Lasihehpet daid buriid dajaldagaid maid ovttas hábmebehtet dán barggu oktavuođas, ja lasihehpet daid iežadet giellaplánii. Loga eanet giellaplána birra 9 gealbopáhkas.