Áigeplána

Lea dehálaš bidjat áiggi ovdánahttinbargui olles skuvlajagi. Oktasaščoahkkimiin berre maid várret veaháš áiggi dán bargui, omd. digaštallat ovtta fáttá dahje gažaldaga mii boahtá ovdan muhtun páhkas, ja mánnosaččat ovtta guhkit čoahkkima. Lassin lea dárbu várret bargiide áiggi geahččaladdat juoidá maid lehpet lihtodan geahččalit, dahje ráhkadit oahpahusresurssaid dahje čilget juoidá mii lea dehálaš din giellaplánii. 

Áigeplánas berre oaidnit goas galgabehtet bargat guđiinge páhkain. Leat oktiibuot 9 páhka. Mii ávžžuhit ovttain páhkain bargat juohke mánu vai skuvlajagis ollebehtet bargat buot páhkaiguin. Go lehpet geahčadan páhkaid, de sáhttibehtet mearridit guđe fáddái dahje guđiide fáttáide háliidehpet čiekŋudit ja maiguin bargat viidáseappot.