Álggahit skuvlla giellaplána barggu

Gievrras giellamodeallat 1 – 8 gealbopáhkain leat suokkardallangažaldagat ja digaštallanfáttát mat leat hui áigeguovdilat go galgá bargat giellaplána sisdoaluin.  

Jus lehpet geavahan bargodokumeantta “Plána movt bargat gievrras giellamodeallat gealbopáhkaiguin” barggadettiin ja dasa čálistan mearrádusaid, de ávžžuhuvvo geavahit dán dokumeantta go galgabehtet bargat giellaplánain.  

Lea hui dehálaš čielggadit geas galgá leat ovddasvástádus giellaplána barggus, čielggadit makkár áigeplána dis lea giellabarggu ektui, movt čuovvolit giellaplánabarggu ja movt ođastit giellaplána.  

Giellaplána galggašii šaddat bargoreaidun maid dii aktiivvalaččat geavahehpet go árgabeaivvis bargabehtet gievrras giellamodeallaiguin. Giellaplána galggašii maiddai čalmmustahttit ja dahkat diđolažžan skuvlla barggu, sihke sidjiide geat leat skuvllas ja sidjiide geat eai leat skuvllas. Dokumeantta gávdnabehtet viežžan ládje das vuollelis.  

Suokkardallan:  

• Leatgo mis doarvái resurssat dan ovdánahttinbargui? Makkár resurssaid sáhttit dan bargui geavahit?  
• Movt sáhttibehtet sihkkarastet ahte buot bargit, oahppit ja váhnemat ožžot vejolašvuođa buktit ovdán iežaset jurdagiid ja maiddai searvat dán plánenbargui?
• Movt sáhttá fátmmastit dan sámi lagasbirrasa dán plánenbargui?  
• Movt sáhttit sihkkarastet ahte din suokkardallamat ja mearrádusat šaddet konkrehta doaibmabidjun?