Makkár bohtosiid addet giellaoahpahusmodeallat?
Dás beasat lohkat makkár gielalaš bohtosiid sáhtát vuordit iežat skuvlla ohppiin jus bargabehtet nannen-, oamastan- dahje goaikkanasmodeallain.
Rádárdiagrámmas oainnat dan golbma modealla mat leat anus sámis. Nannenmodealla deavdá buot eavttuid. Oamastanmodealla deavdá servvodatmihtu, muhto ii daid eará eavttuid. Olu oahppit ožžot sámegielat fálaldaga ja oahpahusa goaikkanasmodeallain, mii lea geahnohis giellaoahpahusmodealla, danin livččii oamastanmodealla nannen sámegieloahpahusa ja sámegielfálu. Giellalávgunmodealla mas lea birrasat 50% sámegielat sisdoallu, juksá heajut bohtosiid go dievaslaš giellalávgunmodealla (nannenmodealla). Belohahkii strukturerejuvvon giellalávgunmodealla sáhttá govvidit modeallan mii livččii leamašan gaskkal oamastanmodealla ja goaikkanasmodealla. Sáhtát eanet lohkat giellaoahpahusmodeallaid eavttuid birra Gievrras giellamodeallat vuosttáš páhkas.
Rádárdiagrámma bokte buohtastahttit giellamodeallaid mat leat sámis. Copilot lea genereren rádárdiagrámma ja Sámi lohkanguovddáš lea kvalitehtasihkkarasten dan.
"Čuolbman lea, ahte ii buorrege sámegiela oahpahus sáhte buvttihit doarvái buriid bohtosiid, jus dat ollašuvvá goaikkanasmodeallain. Sámemánát dárbbašit ollu eambbo giellafálaldaga go goaikkanasmodealla fállá." (Sámediggi 2022:8).
2-3 diimmu sámegieloahpahus dahje -fállu vahkkosaččat mánáidgárddis dahje skuvllas ii leat doarvái, jus sámi mánát galget oahppat sámegiela dahje ovdánit gielalaččat.
Suokkardallan:
- Mii earuha gievrras ja geahnohis giellaoahpahusmodeallaid/giellamodeallaid?
- Makkár eavttut earuhit goaikkanas-, oamastan-, ja nannemodeallaid?
- Makkár bohtosiid sáhttit vuordit dan golmma modeallas?
- Makkár sámegielfállu lea dis?
- Makkár sámegielfálu háliidit váhnemat iežaset mánáide?