Suokkardallan: Oamastanmodealla skuvllas
Oahpahusláhka §3-2 addá sámegielat ohppiide geat orrot sámegielaid hálddašanguovlluin, dego giellaovdánahttinsuohkaniin ja giellaealáskahttinsuohkaniin rievtti oažžut oahpahusa sihke sámegielfágas ja sámegillii. Dat mearkkaša ahte oahpahus galgá čađahuvvot sámegillii buot fágain (earetgo eará giellafágain).
- Addibehtetgo buot váhnemiidda dieđu ahte sin mánáin sáhttá leat riekti oažžut oahpahusa sihke sámegielfágas ja sámegillii eará fágain? Movt juohkibehtet dán dieđu váhnemiidda?
- Muitalehpetgo váhnemiidda ahte sii dat fertejit gáibidit oažžut sámegiela oahpahusgiellan iežaset mánáide, gitta mánát álget 8.luohkáceahkkái ja ieža besset mearridišgoahtit? Movt juohkibehtet dán dieđu váhnemiidda ja ohppiide?
- Ožžotgo din oahppit din skuvllas oahpahusa sámegillii maiddái eará fágain go sámegielfágas?
- Jus oahppit eai oaččo oahpahusa buot fágain sámegillii, de makkár fágain ožžot sii oahpahusa sámegillii? Movt sáhttibehtet ovdánahttit sámegiela oahpahusgiellan, vai nákcebehtet eanet fágain fállat oahpahusa sámegillii?