Dat movt unnitlogu giella oahpahuvvo addá iešguđetge gielalaš bohtosiid, nu boahtá ovdan dutkamušain mat leat dáhkon. Lea maiddai dutkojuvvon maid sáhttá bargat vai mánát ožžot njuovžilis vugiin buori giellamáhtu unnitlogugielas. Dutkamušaid leat čađahan miehta máilmmi ja daid bokte leat ráhkadan buriid modeallaid mat nevvot movt čađahit giellaoahpahusa buoremus lágii mielde.
Sámediggi lea álmmuhan Gievrras giellamodeallat (2022) raporta mii čilge movt gievrras giellamodeallat leat heivehuvvon sámi kontekstii. Otná giellaoahpahusvuogádagain leat muhtin mánáidgárdemánát geat eai šatta produktiiva sámegielagat. Dát boahtá das go máŋggat mánáidgárddit ja skuvllat čuvvot goaikkanasmodealla, mii lea geahnohis giellamodealla. Daid birra beasát eanet lohkat dás vuollelis.
Páhka sisdoallu
Dán páhkas beasat eanet lohkat dan golmma giellaomodealla birra mat geavahuvvojit sámis: goaikkanasmodealla, oamastanmodealla ja nannenmodealla. Páhkas leat sierra oasážat gos beasat lohkat giellamodeallaid fágalaš vuođu birra, ja manin mii dárbbašit giellamodeallaid.
Gáldu:
Pasanen, Annika, Baal, Berit Anne Bals, Mikkelsen, Inga Lill, Päiviö, Ánne-Marge (2022): Sterke språkmodeller, Sametinget. https://sametinget.no/aktuelt/rapport-om-sterke-sprakmodeller.21386.aspx
Govva: Árvu